‘Uká Yɨwi | D-due

Paɨ pɨti’ane, tataɨta, ta’iyaari hetsíe yapɨtiyeyeika ‘uká yɨwitɨ. Kiekaritsíe Galicia mɨreyɨane, ‘ukári yamemɨ’ánene yuxaɨta mepɨtaama hɨkɨa mɨreukayune maana  kiekaritsíe. ‘Ukí hepa mutahikweni panuyɨne mutayɨre, kwatsari memeu’anene wahepaɨ mutayɨre. ‘Ukári temaikate, wimarima, naime tita gallego mɨrayuyexeiya ‘ɨwiyamete mepɨhɨkɨ. Mɨɨkɨ mɨtiyɨxaɨye mepuutanaki’éri, yutemawierika metatuatɨ, mepuyuti’ɨkitɨa mema’eriwanikɨ kename tukaari tumuanari hɨkɨ. Kiekaripa ya meteheuyewetɨ, ‘ukári mara’akate, mɨɨkɨ mepɨhɨkɨ gallega ‘iyaarieya memɨxewiriya, kiekari naanáya yamemɨte’ayexeiya, maana paɨ mɨranuyɨne kename temawierika tukaari mɨkiriya matɨa ‘umie.

 

Naxi metá tɨxatsari ke mɨ’ánene, metá hekɨakamekɨ ‘ayukumaikame, maana tiyukanieretɨ pɨyutiwewi ‘itari mɨyuhekɨata kita. Waɨkamexɨa kiekaripa Galicia ‘akuxi payuyexeiya yeiyari maana paɨ memɨte’uhú yunaitɨ meuyukuxexeɨriwatɨ tuuturi ‘itariyari ‘uyeta memutiwewiwa kepauka ‘ixɨarari Corpus Christi matineikatsíe. Mɨɨkɨ pɨxatsiwa ‘uuximayátsika tinakemekɨ, kɨmana kemakamekɨ ‘anenetɨ ‘utɨarika muyutiwewiwa, ‘inɨatsitɨ ‘utɨarika payuka’utɨwa maana yuhekɨakatɨ kiekari yeiyarieya. Nenewierika payuyexeiya xuiyatsíe, kɨmana ‘uuximayatsika ‘iyaarimekɨ metá temaikɨmekɨ pɨyuwewie mɨɨpaɨ maiyá meripaitɨ mieme pɨtiyuyeweiyarɨme, mɨpaɨ tewewiwamete mepɨtekuhekɨata, hekwamete mewa’ɨtsikikatɨakutɨ, ‘aixɨ me’iyurikutɨ metá me’i’eirikutɨ ‘uxa’a warie miemekɨ.