Hekɨatsiya Yɨripa tsiere piinite. ‘Ɨkitsika metá ‘eewari

Curator: José Antonio Sada Sánchez Mejorada

Peuyuyepi 7 kuniyukɨ peutipare 27 octubre 2024

Manatitɨa Siglo XIX ‘ayuyexeiyatɨ maiyá yeikiya ‘eewari metá xatsikate hetsíe  timieme, karikɨ mɨɨkɨ pɨyukanieritɨakai xeikɨa mɨrakumaiwe hetsíe kiekaripa mumanetɨka ya yuxexuime teɨtéri wahetsɨa.  ‘Ɨtɨmana ke S. XX maiyá yeikewemete mepɨtehetima kename ‘eewari mɨtimaiwetsíe xeikɨa ka’ayutinenetɨwakai, ‘apɨta ‘eewari yunaitɨ teɨtéri memuyuti’uitɨwa mepetinenetɨwa meyɨwawetɨ yu’iwaama, kite, piinite memɨte’utipata, ketitakɨ mɨtiu’uwa ya tiita mɨranuyɨtɨka. Mɨpaɨ, naitɨ ‘eewari panuyɨne tikuyuitɨwatɨ, titixɨnatɨ, titimɨwatɨ naime tiita mɨtikaniere.

Hekɨatsika Yɨripa tsiere piinite. ‘Ɨkitsika metá ‘eewari pɨtitixexeiya heitserie mɨti’anene, mɨtika’inɨatsie,  yɨkɨma mutiniuka, mɨtixeiyarie, meripai timieme metá ke mɨreyukumɨiriya ‘eewari weewiyaritɨarika, mɨɨkɨtsie wewiyate wichi tipepetɨ tikwa’ame ya ‘utapari wichi pepetɨ hepaɨna kanarite, kɨmana ya ‘aneme rayuhekɨatatɨ kename ya xeikɨa kati’ane, ‘apɨta tuukari mɨyeweke tiuyutipata, tiyuhekwatɨa piinite, ke mɨtiuhuritɨ tiyuhekwatɨa, naná ya tiuyuatɨ wa ka’u’atɨ yuyɨriyatɨ.

Mɨɨkɨ ri wichi tiwewiyatsie, ‘ɨkitsika, ‘ɨɨkiya metá kiekataari wayeikiya tsata pɨtiyutixata hepaɨna pɨtiyuhekɨata kename ‘eewari ya rayuyenieritɨa metá tuukaripa heuyutawiyatsitɨa, hepaɨna tiyukumaɨwatɨ, tiyukuyuitɨwatɨ piinite ya mɨtiyukumaɨwa.

Acoocooro

Omar Chávez Santiago

Colores del Suelo 

Cosa Buena Studio 

Daniel Couttolenc

Adriana David Ortíz Monasterio

De la O Studio 

Estudio Sada

Marta Fernandez Calvo

Ana Hernández

Mónica Iturribarría Portillo

Rosa Lamotte

Lorena Lazard

Cecilia León de la Barra

Gabriela Martínez

Mimo Studio

Oro de Monte Albán

Liliana Ovalle

Diego Pérez Bautista 

Bulmaro Pérez Mendoza

Eduardo Rivera Martín del Campo

Rufina Ruíz López

Sagrada

Ricardo Santiago Pacheco

Studio Payet 

Taller Raúl Porras y familia

Hernán Vargas

Manuel Zúñiga