Tinarɨwame pɨ’awietsie metá yɨkɨma pɨyu’uuta | Impronta + Relámpago

Tinarɨwame pɨ’awietsie metá yɨkɨma pɨyu’uuta*

‘Uuximayatsika Biombo
Impronta + Relámpago waweewiya
Peuyuyepi: Wewetsi 18 kuriyu | 19 h
Katsutɨ 19 kuriyu putiniere 8 ritsiemɨre 2024
Kita mɨtiyutiterɨwa

Niuki, niúrika tsiere ‘ɨtɨarika, pɨtiyepiwe metá pɨtínawe. Ya ti’anenetɨ pɨyɨwe ‘itupari heuyepieme meutahani, ya katixaɨ mɨreunani mɨkareutahatɨrenikɨ. Niukikɨ kiekari tepukámare, tsiere mɨɨkɨ pɨtatsipitɨa hakewa xeikɨa taniuki meta’atɨka. Ya mɨ reuyuweiyatɨ, ‘ɨtɨarika yuhepaɨ mɨnené teputa’uuximayataxɨ, Mimierika, ki ‘ɨtɨarika ‘uuximayataame Bogotá, Colombia kiekame, letra kɨyekɨ puti’eri metá pitiweewi.

Ya ‘anénemekɨ letra panayuyexɨnaxɨ ‘ɨtɨarikate mitiweewi Daniel Saldaña París, mɨɨkɨ pɨtiuyɨ ki mɨtitewatsíe Impronta, ya paɨmetɨ xapa muuwa puyutiweewi ‘iikɨ ‘uuximayatsika tihekɨatatɨ. Mɨɨkɨ xapatetsíe, ‘ɨtɨarika yuwiyatɨkaitɨ ‘uyutiwewieka, hehekwate mɨarika pɨhekɨata, yɨkɨpɨta ‘anenetɨ terɨwarika pɨyuhekɨata xikɨritetsíe kita. Hepaɨna, takwa, xapate naime ‘ixumari pukánɨtsa, kɨmana kɨkamete memɨtexeɨmakakɨ: ke ta tikuxata mɨɨkɨ yɨkɨpɨta ‘anenetɨ niuki, tiita ti’uuta ya hakewa pɨranu’ínieni. Ya papaɨtɨkaitɨ ‘ɨtɨarika pɨreunarɨma ya pɨreuyepiwa. Heiwa mɨyɨwe ‘itupari meuyepieni, heiwa ri ta mɨkayɨwe tiyepiwaame. Mɨ paɨ tsɨ katiuyuwaikaka niukite, ‘ɨtɨarika metá niurika. 

Relámpago
Impronta Casa Editora

*’Ɨtɨarika ‘ayuka’ɨkeka xapatsíe El lenguaje es un revólver para dos (2008) Mario Montalbetti pinieya.