Kemarite — ⅛ Takamura

Wewiyarikate hekɨátame: Rodrigo Santoscoy

From July 21st, 2023 to January 7th, 2024

Kemarite pɨxata kemarite yaxeikɨa mɨ’anene wewiyarikayari yeikiyaya muyuta’uuximayátaxɨ ⅛ Takamura , paɨ tihekɨatatɨ ke mɨtiyukuwewiwatɨka metá ke mɨtiyɨane ya titayari ya tiyukuwewiwa, rakatetɨatɨ tita yemekɨ mɨtiyukwewirie.

‘Iikɨ hekɨatsiya pɨti’inɨata yeikiya tamamata heima huuta paɨmetɨ kemarite muyutiwewi ⅛ Takamura hetsie rayexeiyatɨ ke mɨtiyu’uuximayatsíe metá ke mɨtikuwewiwa.  ‘Iikɨ tihuutame yemekɨ pɨrakatetɨa. Matɨari yate’uuximayataamete pɨwakemaritɨa ‘aixɨ memɨteku’uuximayatanikɨ, huutarieka mɨɨkɨ kemarite hetsie pɨtihekɨata tita mɨtiyukwewirie wamuyehane memeiti’enietɨyeikanikɨ.

Mɨtihekɨatsienikɨ, puyuti’ai ⅛ Takamura hetsíe, kemarite mɨtiwewieni MAZ te’uuximayataamete memenakatɨxɨanikɨ, xexuitɨ ya pɨreku’inɨatsietɨkatei ‘iikɨ ya mɨti’anene mɨrayexeiyanikɨ: «Matɨari xeiyarika», kemarite wahetsíe mieme ‘iwataamete memɨwaranunanake, memɨte’ɨkitatɨka metá tehɨwemete wakamixate; «Ki ‘uuximayataamete», mɨɨkɨ pɨwahetsíe mieme piinite ke mɨtihekɨare memɨte’ayexeiya, memuye’itiwatɨka metá naime ‘aixɨ kita memɨtekuyuruwatɨka; «Tewenamete», maana mepɨye’ú ki tuminieya metá tukaarieya memɨhɨ, memɨtenɨ’a, piinite ke mɨtiyuhekɨata Memɨte’ɨtɨa, ‘ɨkitɨarika memɨteetɨa metá Niukamete. Mɨɨkɨ tsɨ kemarite muyuti’ai paɨ pɨreyuku’eerie ki kemarite muyutiwewi hetsíe pɨyumatsiɨkɨni ki kemɨre’iyaari.

‘Imatɨrieka ri ‘iikɨ hekɨatsika ‘uuximayátsikayari peutinɨitɨa ‘apame wewiyarika titewatɨ gattai 合体 tatsɨari ke mɨrekumɨa, ke mɨrekuwewiya. ‘Eena haika hekɨatsikatsíe, gattai pɨtihekɨata tita mɨkatiyumatsiɨkɨ metá hekwa wewiyate.

‘Iikɨ ‘amɨpa wewiyarika muyutanuiwitsitɨa peuta’iyaaritsíe wewiya mecha manga japonés hetsíe, wewiya makina maiýa matɨa tewi meuyutinɨ’ɨ, mɨ tsɨ ri robot. Ya mɨrita ke’ane mita’iyaaritaxɨ nierikaya maana pɨhekɨa.